2個生日會

話說泥兄弟斷斷續續病了個多月，上星期去完宿營後更嚴重了，阿泥重咳到氣喘 。最後成功迫使一向唔主張用抗生素的主打醫生屈服於此惡菌下，打孖開哂俾孩子們。

泥爸媽一直擔心能否出席於週休二日的2個生日會.....

到了星期五晚，阿泥重咳。但泥爸媽又好想去喎，在奢望奇蹟會發生下諗著瞓醒再算。

不幸地阿泥於星期六早上整咗個奧運示範項目–馬拉松咳！

結果？咪麻煩阿柔媽代林氏一族向網友小懷講生日快樂囉 :(

喺呢度長氣都要寫多次–"小懷，Happy Birthday！ "

更要多謝阿蔡生和蔡師奶的gingerbread boys，真係好有心思！

本來對出席週日泥媽舊同事囝囝Jansen的生日派對打定輸數，為免成為帶菌者重諗著連崇拜都返唔到。點知阿泥馬拉松咳後再無咳過半聲，泥爸媽問過主人家後膽粗粗去了一陣子！

主題是奧運，連玩的遊戲也和奧運有關，佩服！

當日孩子們狀態唔係好好，泥哥更全程黑面。最後更要動用家訓第八百七十八條對付才肯合作影相！

孩子們很喜歡支奧運旗，揸住唔肯放手！

很感謝Jansen媽媽的禮物，泥哥帶著個泳鏡睇了好耐電視呢！