富豪機場酒店

林氏一族於星期天到富豪機場酒店玩了一晚宿營！

本來打算陽光、泳池游、悠、遊（明抄柔氏:P）；怎知天公不做美再加上泥兄弟受感冒病毒入侵，變咗食、瞓、遊.....

行程也大受打擊，諗著返完崇拜吃個午飯才施施然去玩，最後要緊急佔據主打醫生唯一的預約時間去進貢。Orz......

酒店很有"白金升降機"年代的風格，裝橫更滿有祖國風，還要色彩斑斕迎奧運，一絕！！

不過有特級機場view和透視浴室房間作補償，唔錯、唔錯！（如果只是和泥媽來的話就更好:P）

食、瞓、遊當然唔少得食。套餐價已包了晚、早餐"補飛"，水準普普通通，泥爸一路食，一路諗起九龍山卡啦果個"顛啦補飛".....:P （泥媽，幾時budget到再去食呀？）

至於瞓就幾好，泥爸可再嘗與子同眠的滋味，除了成晚被反瞓的孩子攻擊外，算瞓得唔錯了。

遊就真係四圍遊.....盪，冇得游水的林氏一族分別到了outlet, 機場T1、T2和流到暈的SkyPlaza；最後更提早離開到Snoopy Town玩。

雖然計劃亂晒，但一家人可以這樣玩吓輕鬆吓，並作為下次旅行的預演真係好難得！

多謝泥媽的安排！