大家可能唔知道，這個地盤工友專業簽名試係泥爸職業生涯中第二個好好好重要的考試（第一個係地盤工友專業計數試，當泥爸知道考到後，立刻便向少女泥媽求婚:-P）。由０３年起，泥爸衝擊了呢個試２次，都失敗收場，亦沮喪了好一段時間.......（因為考試係interview形式，每次都要面對一群老行專不斷問你一些同地盤專業有關，但你可能見都冇見過，甚至係諗都冇諗過的問題。２次經驗都係摧毀了泥爸對地盤專業的自信:-( ）
自從一舊泥出生後，泥爸覺得自己唔應該那麼安於現況，要為林氏一族多出一分力。但如果要突破到下一個層次，現在的資歷係唔足夠的。因此，我鼓起勇氣再一次衝擊，但接下來便發生頭痛及感冒事件了。那時候泥爸心裡想，唔通又一次.........
但係神的恩典及祝福係你估佢唔到的。雖然泥爸咳到死下死下，每晚返家又要應付S&F，但地盤的工作量卻出奇地少。呢２星期我可以好專心地係地盤作預備，更奇妙係呢２星期泥爸心中一直都有種難以形容的平安感覺，覺得呢次應該會OK的。（雖然數據卻話比泥爸聽每年只有２、３個工友合格.....）
結果大家應該都估到了！感謝主！
呢件事卻使我又一次經歷神，他為我預備時間讀書；係今早我呆坐waiting room等叫名的大半個鐘用詩歌除去我的緊張； 使我所讀的都能應用。更重要的是為我預備了一位好好好的夫人–泥媽，佢係呢個星期母兼父職去照顧S&F，真係好辛苦。（泥媽，多謝妳^o^ ）
7 comments:
感謝主！ 你終於回來了！ 萬千粉絲條頸縮番短！
有咁好的消息，幾時同我們慶祝？！ 我的意思是請食飯。 先多謝！
感謝主! 恭喜恭喜!! 雖然仍然唔知道呢個”地盤工友專業簽名試”係乜東東，聽落好似歌星出新唱片既簽名會咁！哈!
你的回歸，令我們的喜樂指數再次推上高峰！
vinus
多謝妳，個試的詳程妳下次meet泥媽時可以問清楚。不過真係好感恩，呢個試係泥爸剛畢業入行時，發夢都冇諗過去考，更加唔好講竟然會考到:-P
神所給我的祝福真係超乎我所能想像的!!
Hallelujah !!
再次恭喜, 神的恩典夠我們用, 特別當我們身體軟弱時, 更彰顯祂的大能和可靠.
Btw, 貴夫人泥媽的吩咐下, 從日本買了三大盒[撒隆巴斯]鎮痛膏布俾你,希望你用唔著!!
vinus
thank you so much !! ^o^
Congratulations!!!!!!!!!
I agreed God really gave you a superwife, who not only take care the boys when u sick, but she is also virus free lei!
We must celebrate it, should we have a outing/BBQ when u recover??
sure !!
Post a Comment