林氏一族係十月遭受病魔的連環攻擊，除了泥媽外，其餘成員到今日仍然吃藥中:-(
泥爸昨晚重咳到成晚瞓唔到（呢個要感恩，因為係考試前個晚瞓得幾好：-P）
因此，昨晚本來應該熱烈慶祝泥爸順利考取地盤工友專業簽名試，以後有望以靠販賣簽名樣式為林氏一族換取溫飽的慶祝會亦不能舉行.......（其實泥爸開始諗緊一個既要有型又要簡單的簽名樣式，遲點畀大家睇下得唔得？）
其實係整個病魔連環攻擊行動中的最大受害者係泥媽，係呢段時間強捍的她為了照顧林氏一族，勞心勞力（要制止Skinny"蝦"一舊泥），瞓又冇得瞓（泥爸成晚咳、一舊泥又成晚醒），食又冇得食（要時常"片"住Skinny食快D）......
為了泥媽唔好進身成為國寶一族，希望大家為到我們的健康代禱，快些好番，好等泥媽唔駛咁辛苦！
不過呢次泥爸的病都唔係冇得著的。經過整個月食唔安，瞓唔落後，泥爸輕了近六磅，瘦身成功:-P
3 comments:
About your weight, just one feedback,
what comes down, must goes up (again).
係呀係呀泥媽真係成隻國寳咁, 仲要係兩隻"巢巢哋"嘅熊貓眼, 泥爸你真係要錫泥媽多D.
知道了，泥爸會用祖國對待國寶的最高規格去錫泥媽的^o^
Post a Comment