柔姐的絕技！！

話說阿一舊泥一直以柔柔姐姐馬首是瞻，以她為學習榜樣，希望將來可以和她組成聯合陣線（據可靠消息透露，希希妹妹係呢個聯盟頭號拉攏目標!），一同抵抗內敵（柔爸柔媽及泥爸泥媽是也!）。

為了增強戰鬥力，他們努力不懈地自我特訓，柔姐亦以大家姐身份帶領著一舊泥。自從柔姐係上一次會面時傳授了食手指秘技給一舊泥後，他天天地修練，最近已練成了同時間把三隻手指放入口再用食指义入鼻哥窿呢關。真係唔敢想象再繼續修練的話可以到達甚麼層次?..........Orz

單單食手指當然唔可以滿足呢２位咁有大志的BB。繼柔爸柔媽於本月十日所發表的指導性文章–"5個月大啦!!!! "中提及柔姐已成為"一個會表演轉身同時食手指嘅BB!"後 ，一舊泥於昨晚亦正式向泥爸泥媽宣告他也成為"呢類型BB"（情況就等同機動戰士中的新類型人一樣，如阿寶、嘉美尤等等）！



但柔姐如何在沒有見面的情況下向一舊泥傳授絕技? 到目前為止，係一個謎！