在恩在根德園的日子之一（開學篇）

今日係在恩第一日返根德園。為怕他唔適應，媽媽請了幾日假..... (thank you mama>O<)。

一早７３Ｏ起床，平日冇十點都唔起身o既林家大少當然唔happy。 Ruby姐姐幫佢換衫、食早餐時都係度扭下扭下。 連比至愛嘅Dinoco McQueen做開學禮物都冇反應!!

落到樓下見有個同學仔，不過佢係Kent Road個邊，冇乜交流。

我地係校車尾二個站，可能第一日未掌握好時間，校車遲了十分鐘。司機叔叔同跟車老師都好nice。老師重says sorry 話遲到唔好意思添。 不過最感動係平日極度依賴我們的在恩竟然無喊，主動坐低揮手says goodbye。個下真係超感動，佢真係大個仔了。

到接放學時間，媽媽話在恩自己攞住個書包落車，跟住好自豪咁講 "I didn't cry !"→勁!

在恩話鍾意返Kentville，同Anfield一樣......Hooray !!!

感謝主一直對他的看顧!!

P.S. 大家請留意相中在恩下唇受左傷，係星期六返Anfield時比一個唔知叫乜水的同學整親，冇左忽肉添，心痛死我!!