七一海獅公園遊

買了年票的林氏一族今年第二次到海獅公園。早起的鳥兒果然有蟲吃，九時半出車，連紅隧也暢通無阻，未夠十時已泊好車。

在每件事也早人少少做的策略下，整日都唔使點排隊呢。









入場時人唔多，先去睇大小熊貓。


再搭纜車上山，山上都冇乜人，摩天輪等機動遊戲唔使排隊添。




(泥哥又影得幾好喎！)

在海洋冰室吃過午餐，遊人漸多，泥氏行行吓落埋大樹灣，途中玩了滑浪飛船，重偷雞帶埋阿泥上船，成身濕晒之餘，泥B點都唔肯玩第二次。

(泥媽妳又偷影？)

落到大樹灣發現有恐龍睇，又有個叫「石器水世界」的玩水遊戲，好似好得好好玩，可惜冇帶衫換，應承了泥哥再來。

跟著去睇海洋劇場──「海洋伴我心」，以'愛'為主題，明抄迪迪尼。


(年票優惠，可以預留VIP位唔使同人爭。 )

睇完嗱嗱聲走去搭纜車，幸好避得開人潮，落山後剛巧有小形雜技表演，睇埋先走。

回程又係冇塞車，去海港城的「和花亭」吃泥哥最喜歡的壽司，好開心的一天。