身體檢查

因為泥爸的天神村特產質量出了亂子，經族醫伯伯診治後，建議都係做個詳詳細細的檢查。考慮到仔細老婆嫩，泥爸諗咗唔夠三秒就決定做。

日子定於剛過去的星期五入院，星期六行禮，以便減低對新工作的影響。但唔知點解今年所發生的特別事總係撞啱唔好嘅天氣，搬屋和到紅Ａ公司見工就黑雨，做檢查就鸚鵡襲港，重要玩到九號波…Orz….好彩泥爸唔係「踢波先嚟落雨！」個靚仔啫。

其實應該感恩，因為唔使返工的關係，泥爸可以施施然入院，還可以有泥媽陪伴和照顧呢！

擔心是有的，症狀和上網睇的真係好鬼似；但泥爸真的感覺到神所賜出人意外的平安。

感謝主，除了胃部有少少發炎外，一切安好。
也要感謝泥爸的細妹、夫婦小組和祈禱部三兄弟的代禱、支持和慰問！

家下醫院的設備真係一流，連私家電視都有，當晚泥爸連奧運汁都撈埋。


因為有麻醉師的關係，照腸胃鏡時完全冇知覺，瞓醒一覺後，攪掂！
最痛苦反而係飲完２公升瀉劑後千軍萬馬的場面和護士姐姐話未得再插２支加強劑入去......真係好痛！