sick .. Sick ... SicK ... SICK !!

URGENT PRAYER REQUEST !!!!
4 out of 5 members in Lam's family were sick :(

Skinny : running nose + coughing + nose congestion (on and off ... this week is the 7th week already !)
IJBaba : headache for 2 weeks, then coughing for 1 week ...
Ruby Jeje : nose congestion THIS MORNING !!
Fatty : Coughing THIS MORNING !!!
IJMama : Thanks God, just tired but still healthy ....

May God heal all of them soon, making Lam's family free of virus - that's all IJMama wants ...

暫停營業

今日，我要宣佈一個對我自己來說相當沈重的消息。

林氏一族的代言人，那個時常胡思亂想、魂遊太虛、胡言亂語， 自己都唔知自己做緊乜野的爸爸要暫時放下蒙恬筆手寫板。為的是應付一個於十一月一日舉行，對林氏一族未來生計有莫大影響，但合格率不足一成的地盤工友專業簽名試去閉關（不過通常係睇唔夠半個鐘書就瞓咗.....）。

這２個星期，爸爸至愛的媽媽會負責睇實林氏一族及係度代替爸爸胡言亂語...........

十一月一日再見:-P

教育招聘

誠聘嬰文翻譯員

中華人民共和國香港特別行政區界限街以北、落馬洲以南，林氏一族大集團轄下嬰文語言發展部誠聘嬰文翻譯員甲乙丙丁名：

1. 大學一級榮譽畢業，主修嬰文翻譯者優先考慮
2. 需具備嬰文基準試
3. 四十年以上照顧嬰兒經驗
4. 能獨立處理嬰兒口水及換屎尿片
5. 熟悉中、嬰文電腦輸入，以便為林氏一族寫BLOG
6. 終身聘用合約制，需輪班及隨傳隨到
7. 薪優佣厚（閣下畀番林氏一族）
8. 年中無休

有意者請翻譯以下影片中一舊泥所說的嬰文，並連同履歷及報名費十萬九千七百蚊零八角四仙人民幣入數紙的副本（但以理獅子坑錢莊戶口號碼：20010218–林氏一族大集團）電郵至 ilovemama@papa.com 林氏一族人事揸fit部靚林太收。

爸爸的肥頭

上回提要：話說泥爸個肥頭劇痛不止成個星期，決定到林氏一大族的族醫去睇下個肥頭肥腦。

族醫所開的藥應該有使人昏迷不醒的成份，泥媽說泥爸每晚都好似被迷暈了般，對外界完全沒有反應（好彩平時對泥媽唔係太差）！

亦因此，泥爸個肥腦得到了充份的休息，呢兩日唔痛了。今日我還停了藥，希望唔會再痛啦。:-P

不過公司檯頭果堆快勞就......................:-(

係呢度要再一次多謝大家關心及代禱, thank you !!

哥哥的名字

親愛的孩子：
孩子，你是神賜給爸爸媽媽的第一份產業，亦是神給與我們無比的祝福。爸爸媽媽一直想告訴你名字的意思，好等你能感受到我們如何地為你的出現而感恩及多麼的歡喜快樂。

在恩這個名字是媽媽幫你選的，是活在恩典的意思，希望你一生都活在神的恩典下。後來Uncle Derek發現你整個中文名字用粵語說的話更有臨在恩典（i.e. 主基督）之意，這可是爸爸媽媽始料不及的。^o^

Isaiah則是爸爸為你所選的，意思係神是拯救（Salvation of God）；與你弟弟名字–Joshua的意思一樣（２兄弟嘛！）。為的是想你像以賽亞這位大先知般終生為神所用！
爸爸媽媽亦為你揀選了一段經文及一首詩歌（可惜不能為你創作一首），希望他們可以陪伴著你的一生。在你不如意時安慰你，提醒你誰是施恩典及憐憫的，誰是你一生也可以依靠的，誰是你在疲乏時可以從祂那裡支取力量的–我們的神 耶和華！

以 賽 亞 書（４０：３１）
但那些仰望耶和華的人，必重新得力；他們必像鷹一樣展翅上騰；他們奔跑，也不困倦，他們行走，也不疲乏。

恩典太美麗 （曲、詞： 盧永亨）

這天同聚於主聖殿 來數算我主恩典 他以性命來使我完全 來使我兩眼重見光線

這天同聚於主聖殿 來數算我主恩典 他賜盼望重生的泉源 還給我勇氣面對挑戰

恩典太美麗 無什麼可取替 唯求將心全然給主來彰顯主愛多珍貴

終生愛神 傾心傾意愛別人才覺生命沒有枉費

這天降服於主腳前 留心聽我主差遣 深信這日勞苦不徒然 神終會賜我榮美冠冕

衷心去讚頌神極重的恩惠 獻我一生傳揚福音 來證實主愛何寶貴

請觀看稻田 主的莊稼在面前 遼闊收成沒法估計

忠於使命 不惜一切來回應 能事奉您是最尊貴

永遠愛你的爸爸媽媽!

林氏遺傳學Journal第一千零二百一十八期

根據林氏一族研究室一個約進行了四年零四個月的研究顯示，善忘（俗稱冇記性）是可以遺傳的。這種遺傳以父親的基因為主導，無論母親如何天生睿智，博聞強記，過目不忘都是不能作出改變、甚至不能構成任何正面的影響。

研究對象為編號skinny · lam的三歲半男孩子。父親是舉世知名的冇記性表表者，母親則是譽滿全球的超強記憶體。

最近skinny · lam因為到了入學之年華而被林氏一族研究室送進了一所守衛深嚴的學府。學校為了訓練小孩子，會在不通知家長的情況下，要求學生傳遞一些信息給家長；例如"叫爸爸媽媽幫你執些樹葉返學校做勞作！"、"帶張全家福返學校！"等等 。

但係skinny · lam從來唔會同他爸爸媽媽傳遞這些信息。直到他爸爸在親子X國得到其他父母報料（通常都遲了一至二日），再問番skinny · lam。他才會講："Yeah！ I have to bring xxxxx to school."

當爸爸問他點解唔主動同爸爸媽媽講，他永遠都係果一句："I've forgotten ！" .......Orz

根據skinny · lam的表現，林氏一族研究室肯定他已完全遺傳了他父親的冇記性基因！:-(

林氏一族研究室並宣佈了下一個同類型、同父母、同性別及同生活形式的研究目標，編號fatty · lam的五個月大男孩子，希望會推翻以上結論，研究結果將會於三年後發表！

又係偏頭痛？！

多謝泥媽對泥爸的關懷及大家的代禱！

今天泥爸個肥頭午後劇痛不止，因此決定到林氏一大族的族醫去睇下個肥頭肥腦。族醫伯伯可以講係睇住泥爸長大，又多次拯救過泥太婆及泥嫲的性命，所以林氏一大族有乜大單野都係揾族醫伯伯的！

其實泥爸都已經有哂入教會醫院照肥頭肥腦的準備，重問埋泥媽保險點搞，亦都和泥爸老細講好明天可能請假！

反高潮係族醫伯伯完泥爸個肥頭一輪，量血壓及其他checking後都話應該都只係偏頭痛。不過今次可能發得太勁，佢話試下用雞尾酒療法，會包埋relaxation等藥畀泥爸，加加埋埋成六隻款，重好colourful添，唔得再睇過點！

食過藥後唔太痛了（其實食親止痛餅都會OK一陣子:-P），希望雞尾酒療法有效，爸爸可以脫苦海啦:-)

Headache ... Headache !!

It has been a week for the headache problem :(
During this week, IJBaBa can't sleep well ... can't take care of S&F at night ... can't study for the exam ... and of course, can't work .. :P
After three days Chinese herbal and 'pin' treatment, IJBaba feels a bit better but still hurt ....
Finally, IJBaBa decides to go to visit his previous family doctor to have more detailed check this afternoon ...

Prayer requests :
1. IJBaba can be free of headache soon, and can enjoy a sweet dream.
2. The family doctor can correctly determine the root cause and advice proper treatment.
3. To have peace with IJBaba.
4. IJMama to be strong enough to take up IJBaba's work at home.

孩子的職業 ？？

電視播緊一個由牙醫推銷的牙膏廣告。

爸爸口痕問孩子將來想唔想做牙醫？ 孩子答："唔想！"

無聊的爸爸跟住問孩子將來想唔想做醫生、律師（可能係每一個父母都會問的職業:-P）.....等等？

孩子不斷答："唔想！"

最後孩子唔畀爸爸問落去，講了句："I want to be you, I want to be an Engineer !"

吓..........唔係化？？

（爸爸註：爸爸應該好開心，証明了孩子相當尊重和喜歡爸爸。但係爸爸驚孩子將來會後悔喎...:-P）

peek-a-BOO

一舊泥係食手指高手和２下散手奇才相信大家都知，但天資聰敏的他怎會滿足於呢小小的成就。

最近他迷上玩peek-a-boo，不過因為是初學者的關係，他只係識發個"BOO"音加無限免費口水供應.......

（為了答謝大家擁躍投票及對一舊泥呢個花名的支持愛戴，泥媽特別情商主腳著上泥衫拍攝！）

遲Ｄ要叫他教埋柔柔同希希先得:-P

爸爸的針灸！

話說爸爸的頭痛病 on & off 到今日都未好，昨晚又再一次痛醒。但再睇西醫相信都係止痛餅＋止痛餅；或者叫爸爸去照下個肥頭肥腦。

爸爸在照肥頭肥腦前決定試下中醫！

在秘書姐姐介紹下，爸爸和陳醫師會面了！會面前爸爸發覺他很忙，忙於把檯頭上股票機中的數字抄落張紙度.... 爸爸諗陳醫師應該幾大生意下！

問症把脈後陳醫師話爸爸甚麼"肝風上頭"？？（something like that !!），簡稱"頭風"！

開藥後陳醫師問爸爸："針唔針？"

"針乜呀？" 一臉天真無邪的爸爸問道（重以為阿陳醫師問識唔識Jump Jump，可以打折添:-P）。

"針灸呀！" 陳醫師（眼神如望著一個智商上無可救藥的病人般）答道。

平時在孩子面前相當英明果斷的爸爸聽到個針字後立刻變得猶疑起來。思潮起伏.......究竟支針乾唔乾淨呢？陳醫師會唔會插錯位？會唔會流血不止呢？使唔使除衫呢？.........

但為著快點脫離頭痛病，在五秒的"死空氣"時間過去後，陳醫師表露不耐煩前，爸爸好勁咁答："針！"

"咁你出去等一陣先！" "吓，乜唔係即刻針咩，出去等等下我洩咗度氣唔敢針咁點算？...."

其實針灸比起爸爸想象中冇咁痛，爸爸一共被針了六個穴位；左右腳眼、左右拇指、額頭及右太陽穴。不過陳醫師攞著個好似電擊儀的機器係咁送pulse去我的穴位時個感覺好怪！以前冇機器時係唔係用內功呢？

唔知係咪心理作用，針完後雖然重係痛，不過好似輕鬆了點。希望飲埋劑藥會好啦！

Fatty的"又一個"第一次

昨天親過主耶穌及和Jessie、Adrain&Addison二族吃過午飯後本來打算返屋企。但係爸爸的行街蟲病又發作，結果爸爸車被某人揸了去新城市:-P

比起Skinny，Fatty真係好少出街。除了返教會，就係去見主打醫生。就係咁，Fatty係佢就黎五個月生日前，終於去了他人生的第一次行街街^o^

Fatty好乖，完全冇扭計，甜美的笑容及肥美健碩的身材為他帶來很高的收視率。

最lum爸爸o既係佢食食下手指係爸爸亦相當健碩的懷中睡著了......

一如以往，今次行街街的收獲全數屬於S&F兄弟 ，Fatty還以一個馬鼻贏了Skinny添:-)

We're SICK family !!後記
1. 在爸爸的堅持下，爸爸車換了新電池。不過因為已到了第三年保養，打折後都要畀五百.... :-(

2. 爸爸個肥頭on&off咁痛，唔痛時就正常人一個，一痛就.......... 最痛的星期五晚上抱著Fatty時重差點眼前一黑！不過好感恩，昨天返教會時冇痛到^o^

3. 露比姐姐結果都敵不過病魔來襲而感冒了，不過她唔肯睇醫生，只吃成藥。希望她冇乜大礙啦！

4. 為媽媽繼續頂得住及S&F持續康服感恩！並多謝為林氏一族代禱的弟兄姊妹！

THE MATTRESS

究竟每天當泥爸泥媽返了工、Skinny返了學及露比姐姐做緊家務時一舊泥會做甚麼呢？其實他好明白父母的辛勞，好有孝心的他去了搵外快–拍戲 :-P

The Mattress （中譯：２１世紀肥Ｂ床墊）

劇情簡介:
一舊泥是二十一世紀食手指高手和２下散手奇才，經常被夢境困擾而會半夜驚叫，其後察覺自己的生活被一股來自泥爸泥媽、Skinny及露比姐姐的有形力量操縱。

某天一舊泥遇上神秘美少女柔柔，她更帶領他到達食手指轉身的境界！

其後，一舊泥在教會認識了天地萬有的主宰–耶和華！始發現好多人類生活在一個充滿神愛的世界而不自知。一舊泥決定跟從主耶稣，並向世界宣揚福音。

導演: 父神
演員: 一舊泥JosB、泥爸泥媽、Skinny、露比姐姐、柔柔及一眾Uncle & Auntie & Babies
片種: 宗教、親情、愛情（暫時由泥爸泥媽一力承擔）、幻想、動作、歷險、懸疑、驚嚇等等
格式: RD （Reality Definition）
語言選擇: BB話；少量英文 、廣東話及國語
字幕: 中文、英文都沒有
額外收錄: 幕後花絮、演員及製作人員訪問、獨立音樂聲道、互動目錄、演員簡介、場面選擇 （以上全部沒有！）
銀幕比例: 全境
級別: I（呢下唔駛問啦！）

原文取材自：http://www.whv.com.hk/browseDetail.do?pn=DV3+017737&lang=zh

We 're SICK family !!

爸爸媽媽常常同孩子講–We're HAPPY family !!
但最近林氏一族卻變成了–We 're SICK family !!

大孩子自從九月開學後一直有傷風 and/or 感冒，使到爸爸媽媽不斷地向他的主打醫生進貢。重搞到爸爸 join 唔到十一國慶之四雄會，阻止唔到一舊泥闖下有好大機會被追殺的彌天大禍...... :-P

愈寫愈遠添.....言歸正傳！！

話說昨天大孩子再去覆診，已經和林氏一族相當熟落的主打醫生問起一舊泥的近況。爸爸重好勁咁話好彩一舊泥身體強健（i.e. 肥胖），畀大佬放了接近一個月毒都冇事！！點知到烏鴉口爸爸真係唔講好過講......Orz

爸爸和大孩子返到屋企凳都未坐低，露比姐姐就話一舊泥打乞嚏及流鼻水......... )O(

"平時極度能幹的露比姐姐啊！點解妳唔可以係一小時零三分五十九秒前同爸爸講呢件那麼震撼人心的消息啊！好等我帶埋一舊泥去見主打醫生啊！打孖一齊睇可能可以打折呢？平兩蚊都好呀！"爸爸心裡面如此說。

最後爸爸媽媽決定觀察一舊泥多一晚......

晚上.........
可能係呼吸不暢順，一舊泥整晚都瞓得唔好，媽媽當然亦不能安睡。爸爸就更慘，頭痛到打孖隊特效必理痛都唔得，結果又係整晚都冇乜瞓.......

早上........
好不容易到天明，爸爸劇痛未止。以防萬一之下，決定和一舊泥一起去推動香港繁榮。 主打醫生話一舊泥只是外感，應該冇乜大礙。細心女醫生就話暫時當爸爸係偏頭痛，轉過隻頭痛餅，再痛先去照下個肥頭肥腦....

爸爸以為可以收隊及去開工啦，點知.....爸爸車的電池又再一次壞了，爸爸車又再一次在相同的停車場裡死火......啱啱上個月２５號先整過.....:-(

為咗趕返工，今次等唔切免費救車服務.......結果益了個的士大佬.....

同時爸爸腦海中浮現了呢句說話:-
人衰行路打倒遯！！

感恩事項：-
1. 頭部劇痛加成晚冇乜瞓的爸爸竟然可以安全地把車揸到維修中心及寫完呢篇BLOG！
2. 一舊泥只是外感。
3. 一舊泥巳經突破１８磅 ！！
4. 大孩子的幼稚園病持續好轉。
5. 媽媽及露比姐姐依然頂得住！^o^

思約之花名（請擁躍投票！）

思約媽最近成日話思約的法定花名已被朋友們定為一舊泥，但係思約爸覺得其他花名都好得意wor！

思約爸思前想後，決定做個統計調查，查找出最受歡迎的思約花名！

請大家在右手面的投票表格中投下你們至愛的一票！

（投票仍不記名形式，請不用擔心被林氏一族秋後算賬:-P）

拳腳無情 ?!

一舊泥: "柔姐，妳啱啱教我果２下散手等我攦過妳睇好唔好？"

柔柔： "睇過點！"

就係咁，一舊泥Fing哂手預備出招啦！

點知............

一舊泥狠狠地，毫無憐憫地擊中了柔柔..........

一舊泥（口震震）: "柔....柔姐，點解妳....妳唔....避開...呀？"

柔柔： "嗚........人地淑女o黎o架，你做乜咁大力打人？"

一舊泥（口震震+黯然銷魂掌）: "對..... 對..... 對唔住，我....慣.... 咗應付阿.... Skinny，出手.... 重.... 咗添！"

一舊泥（扮哂cute）: "柔姐，妳唔好喊啦！不如我食手指過妳睇好唔好呀？妳睇下我個樣幾得意！"

柔柔（好可憐咁住喊住講）： "食你個頭！"