針針思約

今天一舊泥要去打六合一及肺炎鏈球菌疫苗。泥Ｂ重有少少肚瀉，泥爸泥媽諗住一定打唔到，不過當去探下主打醫生，順便攞藥食。

因為泥媽要帶Skinny去上堂，今次又係由泥爸負責牽頭，Ruby姐姐執行。

點知主打醫生話肚瀉呢Ｄ小問題係唔會欄阻佢拮阿泥Ｂ的決心，所以照打>o<

當然泥爸唔會放過機會，冒著被主打醫生串的危險，攞番D藥物貯備畀一舊泥啦。

一舊泥好乖，做check up時盡了身為偵測機的本份四圍望。到打針時都只係喊了２下交咗數就算^o^

不過因為這星期肚瀉的關係，一舊泥輕了0.2kg，肉痛死泥爸。點知露比重大聲過我叫出來，畀護士姐姐笑（其實除了柔柔和希希外，一舊泥都係偷心大盜，露比姐姐的心已完全被他從Skinny處偷了過來）:-P

不過護士姐姐話一舊泥好白淨，泥爸話佢用SK-II護膚......睇嚟好快可以改名叫一舊麵粉了:-)

返到屋企一舊泥好開心，睇下佢.......重放咗個屁添:-P